Деловни активности

Тетекс е вертикално интегриран производител на текстил и облека.

Компанијата е формирана 1951 година, започнувајќи со производство  на предива во погонот предилница. Потоа компанијата се развива со активирање на ткаечница за  производство на ткаенини и ќебиња, како и производство на готови одевни предмети во конфекција и трикотажа.

Денес, Тетекс АД е интегриран производител на текстил од волнен тип и облека, со вертикално поврзани производни фабрики:
•    Фабрика за производство на предива и волници (Тетекс Јарн ДОО од 2007)
•    Фабрика за производство на ткаенини и ќебиња
•    Конфекција – производство на конфекциски одевни предмети
•    Трикотажа – производство на трикотажни одевни предмети

Вертикалната интеграција дава флексибилност во планирањето и трансфер на материјалите помеѓу производните процеси, со што се постигнува поефикасно сервисирање на клиентите.

Тетекс произведува годишно 2.800 тони предива, 500.000 метри ткаенини, 600.000 парчиња конфекциски и 500.000 парчиња трикотажни одевни предмети.

Локацијата на компанијата (Македонија) дава можности за ефикасна и брза испорака особено во  ЕУ .

Главни извозни пазари се во Европа (Германија, Италија, Велика Британија, Данска, Грција, Аустрија, Словенија, Хрватска, Бугарија) и Америка.